Barnaamijka Weecinta Dadka Waaweyn
(Adult Diversion Program)
Barnaamijkan waxa soo saaray Xeer-ilaaliyaha Degmada Stearns (Stearns County Attorney) si loo adeeco xeerka Minnesota Statute § 401.065 ee raba in Xeer-ilaaliyaha Degmo ee degmo kasta ee ka qaybgalaysa Xeerka Asluubta Beesha (Community Corrections Act) uu soo saaro barnaamij weecin oo ka horeeya maxkamad-saaridda (pre-trial diversion program) si:
- Loo bixiyo barnaamij wax-ka-qabasho oo gaar ah oo la siinayo ka-qaybgaleyaasha tilmaaman si looga hortago, loo baabi’iyo, ama loo yareeyo tirada dambi-ku-noqoshada ka-qaybgaleyaasha barnaamijka.
- Loo siiyo dambi-faleyaasha uu u banaan yahay wax beddel u ah hab maxkamadeedka caadiga ah iyo xukun dambi.
- Loo hormariyo ururinta magdhow ay helaan dhibaneyaasha dambiga uu ka galay dambiiluhu.
- Loo soo saaro beddelaad xilkas ah oo dambiileyaasha u qalma loogu beddelayo hab cadaaladeedka dambiyada.
- Loo yareeyo kharashka iyo culayska kiisaska saaran maxkamadaha degmada iyo hab cadaaladeedka dambiyada.
Weecinta waxa loogu talogalay in lagu isticmaalo awoodda ka-dhaadhicinta ee adeegsanaysa abaalmarinta ka-baxsashada xukun dambi si loo fududeeyo dhaqancelin, beddelid fikir, dhaqan xilkasnimo leh, bixinta magdhow la siiyo dhibaneyaasha, iyo daweyn, kiisaska qaarkood.
Barnaamijka Weecinta Dadka Waaweyn waxa uu u banaan yahay kaliya dambiileyaasha galay dambigoodii koobaad.
Iyada oo uu talada iska leeyahay Takhasuslaha Barnaamijyada Weecinta (Diversion Programs Specialist), waxa laga yaabaa in ka-qaybgaleyaasha laga rabo inay dhameystiraan barnaamij guud ama mid dambiga u gaar ah, oo uu ku jiro (balse aan ku koobnayn) waxyaabahan:
- Hanuuninta Dambiileyaasha ee Barnaamijka Dhiirigalinta Fikirka Xilkasnimada Leh (Program for the Encouragement of Responsible Thinking, PERT)
- Saamaxaad-weydiisasho (warqad saamaxaad-weydiisasho ah ama adiga oo dhibanaha weydiista inuu kaa saamaxo dhaqanka waxyeelada leh ee sharci-darada ah ee aad kula kacday)
- Adeeg beeleed
- Maqaal Qoraal ah
- Magdhow
- Daweyn iyo La-talin
Dambiyada uu barnaamijku u banaan yahay
Dambiyada Fudud iyo Dambiyada Fudud ee Anshax-xumada ah (Misdemeanor and Gross Misdemeanor Offenses)
Kiisaska la weeciyay waa inay maraan isla heerarka marag-kac iyo dambi-oogis ee ay maraan kuwa dacwad looga xereeyay maxkamadda.
Dambiyadan soo socda ayaa ku jira:
- Waxyeelo Dambi-fal ah oo Loo Geysto Maal, M.S. § 609.595
- Xatooyada iyo Dambiyada Xatooyo la Xidhiidha, M.S. § 609.52 (marka laga reebo xatooyo uu shaqaale kula kacay shaqo-bixiyihiisa ama qof haya jago aaminaad ama mas’uuliyad oo la mid ah)
- Haysashada/Qaadashada Maal la Xaday, M.S. § 609.53
- Jeegag Aan Qiimo Lahayn, M.S. § 609.535
- Qaribaaadda Baabuur, M.S. § 609.546
Dambiyada Culus (Felony Offenses)
Kiisaska la weeciyay waa inay maraan isla heerarka marag-kac iyo dambi-oogis ee ay maraan kuwa dacwad looga xereeyay maxkamadda.
Dambiyada Culus waxa uu barnaamijka weecintu u banaan yahay kaliya:
- marka la eego sida xeerarka gobolku oggol yihiin
- marka y ku jiraan gudaha noocyada dambi ee ku taxan 2A. (Dambiyada Fudud iyo Dambiyada Fudud ee Anshax-xumada ah), iyo
- marka la eego talada, ah qoraal, ee Sarkaalka Koobaad ee Fulinta Sharciga (Chief Law Enforcement Officer, CLEO) ee aag maxkamadeed uu ugu gudbinayo arrinta Xafiiska Xeer-ilaaliyaha Degmada (County Attorney's Office). Talooyinka qoran waxa ku jiri doona sharaxaad iyo/ama sababeyn sal u ah galinta barnaamijka weecinta.
Go’aaminta kama-dambeysta ah ee ku saabsan in dambiilaha uu u banaan yahay barnaamijka weecintu iyo in kale waxa kaligii iska leh Xeer-ilaaliyaha Degmada waxana laga yaabaa inay ku saleysan tahay qodobo dheeraad ah oo aan ku jirin tilmaan-bixintan.