Maxkamad-saarid Dambi
Kala-horeynta Dhacdooyinka la Xiriira Maxkamad-saarid Guddi Leh
Ka dib marka guddi la doorto, maxkamad-saariddu waxay guud ahaan raaci doontaa nidaamkan dhacdooyinka:
Hadalada Furitaanka (Opening Statements)
Qareenada ka socda dhinac kasta ayaa sharixi kara kiiska iyo arrimaha si guddidu u go’aamiso.
Soo-bandhigidda Marag-kaca (Presentation of Evidence)
Marag-kacu waxa uu ka kooban yahay maragga markhaatiyada iyo bandhigyada uu oggalaado xaakinku. Bandhigyada la oggalaado in lagu daro marag-kaca waxay diyaar u ahaan doonaan in guddidu fiiriso inta lagu jiro ka-fiirsashada. Waxa guddida la weydiin doonaa inay go’aan ka gaadhaan xaqiiqooyinka muran ka taagan yahay; sidaa daraadeed, foojignaanta xubnaha guddida ayaa si weyn muhiim u ah wakhti kasta. Waxa uu xaakinku oggalaan karaa in xubin guddi xusuus-qorid sameeyo.
Go’aaminta Xaakinka (Rulings by the Judge)
Waxa laga yabaa in xaakinka la weydiiyo inuu go’aan ka gaadho su’aalaha ku saabsan sharciga inta ay socoto maxkamad-saariddu. Mararka qaarkood, waxa uu xaakinku weydiin karaa xubnaha guddida inay ka baxaan qolka maxkamadda inta ay qareenadu ka sheegayaan doodahooda sharci. Waa in xubnaha guddi fahmaan in joojinta noocaa ah loo baahan yahay si loo sugo in go’aankoodu ku saleysan yahay marag-kac haboon, oo ah sida uu go’aamiyay xaakinku marka la eego Xeerarka Marag-kaca.
Doodaha Xidhitaanka (Closing Arguments)
Marka ay dhamaato dhamaan marag-kacu, waxay qareenadu fursad u heli doonaan inay soo koobaan marag-kaca.
Fariimaha la Faro Guddida (Instructions to the Jury)
Ka dib doodaha xidhitaanka, waxa uu xaakinku guddida u akhrin doonaa fariimaha sharaxaya sharciga iyo fiirooyinka kale oo uu kiisku leeyahay.
Ka-fiirsashada (Deliberations)
Ka dib fariimaha, waxa kulma guddida si ay u soo saaraan go’aanka kiiska.
Shaqaalaheena waxay ku hadlaan Ingiriisi. Marka aad la soo xidhiidhaysid xafiiskeena, waxa laga yaabaa inay faa’iido leedahay inuu kula joogo qof ku hadla Ingiriisiga. Haddii aad u baahan tahay turjumaan, mid baa lagu siin doonaa.